Son günlər medianın və yuxarı qurumların diqqətində olan Cəlilabad Peşə Təhsil Mərkəzindən yeni xəbərlər gəlir.
Celilabad.com xəbər verir ki, “CƏLİLABAD DÖVLƏT PEŞƏ TƏHSİL MƏRKƏZİ” PUBLİK HÜQUQİ ŞƏXSİ tərəfindən “Digər mallarının satın alınması”(Crimping aləti (sıxıcı) RJ45,RJ-45 başlığı,Ethernet switch,LAN tester,UPS batareytası, gübrə və.s) satın alınması üçün elan olunan tenderə yekun vurulub.
Tenderin qalibi Ötən ilin dekabrında rəsmi fəaliyyətə başlayan “HƏDƏF BİR 2025” Məhdud Məsuliyyətli Cəmiyyəti olub (VÖEN: 8304316571).
Bu Müəssisə CƏLİLABAD ŞƏHƏRİ, Ə.MƏMMƏDOV ev.3 ünvanında yerləşir və təsisçisi Vidadi Əhəmdoğludur.
Reklam
Təşkilatın nizamnamə kapitalı 10 AZN təşkil edir.
Mənbə qeyd edir ki, Vidadi Əhmədoğlu qeyd olunan müəssisəni məhz Ramil Əmənov Cəlilabad Peşə Təhsil Mərkəzinə direktor təyin olunandan sonra qeydiyyatdan keçirib və əsasən Gəncə və Cəlilabadda elan olunan tenderlərdə iştirak etmək üçün nəzərdə tutulub. (Qeyd olunan şəxslərin yaxın əlaqəsi barədə ətraflı məlumat veriləcək)
Mənbə həmçinin qeyd edir ki, məhsulların çoxu Ramil Əmənovun qardaşına məxsus mağazadan alınaraq müəssisəyə çatdırılıb
