Bakıda deputatın oğlu ölümlə nəticələnən davaya qarışdı – DETALLAR
Xətai rayonunda baş verən kütləvi insidentdə iştirak edən deputat Arzuxan Əlizadənin oğlu Əhməd Əlizadə polisə könüllü təslim olaraq saxlanılıb.
Bakıda ölümlə nəticələnən kütləvi davanın yeni detalları məlum olub.
YTV.az Oxu.az-a istinadən xəbər verir ki, hadisənin iştirakçılarından biri deputat Arzuxan Əlizadənin oğludur.
A.Əlizadənin iki oğlu var. Onlardan birinin adı Əhməd, digərinin adı Orxandır. Orxan Əlizadə Xətai Rayon Məhkəməsinin hakimidir. Əhməd isə kriminala meyilli şəxsdir.
Əhməd Əlizadə hadisədən sonra polisə könüllü təslim olub. Kriminal aləmdə “Yeraz Əhməd” kimi tanınır.
Daxili İşlər Nazirliyinin Mətbuat Xidmətindən bildirilib ki, insidentdə iştirak edən 9 nəfər polis tərəfindən müəyyən olunaraq saxlanılıb. Hazırda əməliyyat-axtarış tədbirləri davam etdirilir.
